Mellomalderbygg frå før 1537

Tilskotsordninga skal sikre at mellomalderbygg vert sett i stand og konservera som unike kjelder til bygningshistoria i Norge. Målet med ordninga er å sikre kjeldematerialet og bidra til bærekraftig bruk og formidling av historia til desse kulturminna. Tilskot kan gå til sikring, istandsetjing og tyngre vedlikehald av freda mellomalderhus frå før 1537 som bidreg til å vareta eit normalt vedlikehaldsnivå, samtidig som kjeldeverdien i bygningane blir vareteken. Tiltak som bidreg til dokumentasjon, kunnskapsutvikling eller forsking om mellomalderbygningar kan også få støtte. Tilskot er som hovudregel ei delfinansiering, og er ikkje meint å dekkja dei totale kostnadene. Søknader der det er lagt inn ei grad av eigendel blir prioritert. Det vert lagt vekt på om tiltaket blir gjennomført på ein måte tek vare på og styrkjer det tradisjonelle bygningshandverket for slike bygningar.