Pris til Årets idrettslag – topp og breidde

Vestland fylkeskommune deler ut to prisar, ein til Årets idrettslag – topp og ein til Årets idrettslag – breidde. Målet med begge prisane er å stimulere idrettslaga til vidare satsing og til å vidareutvikle tilbodet sitt. Prisvinnarane skal også vere gode modellar og til inspirasjon for andre idrettslag. Prisen Årets idrettslag – topp skal gå til eit idrettslag som kan vise til god prestasjonskultur, og som har utøvarar på høgt internasjonalt nivå. Prisen Årets idrettslag – breidde skal gå til eit idrettslag som kan vise til stor breidde i tilbodet, i tillegg til ekstraordinært arbeid innan folkehelse og inkludering. Begge prisane er på 50 000 kr kvar. Eit og same idrettslag kan søkje på begge prisane, dersom dei kvalifiserer i begge kategoriane.