Tilskot frå ungdomsrådet

Bremanger ungdomsråd har vedteke å dele ut midlar på til saman 50.000 kr pr. kalenderår til barne-/ ungdomstiltak i kommunen. Midlane skal bidra til å styrke oppvekstmiljøet til barn og unge i målgruppa 0 - 19 år. Støtten kan gis til arrangement, aktivitetar, kurs, sosiale møteplassar, alternative idrettsaktivitetar, festivalar, LAN-arrangement, og nyskaping. Midlane skal ikkje gå til ordinær drift av allereie eksisterande aktivitetar. Det blir gjort to tildelingar årleg med søknadsfristar 1. mars og 1. september. Maksimalt 15.000 kr kan tildelast per søknad. Tiltaket skal vere tidsavgrensa, rusfritt, og ungdom skal vere med i planlegging og gjennomføring. Aktivitetar som treff mange vil bli prioritert.