Tilskot til fagskular

Driftstilskotet til fagskular skal stimulere til god kvalitet og gjennomføring av høgare yrkesfagleg utdanning. Tilskotet skal samtidig bidra til å dekkje kompetansebehova i Vestland fylke og elles i eit nasjonalt perspektiv. Alle fagskular i Vestland kan søkje om tilskot for høgare yrkesfaglege utdanningar som er godkjente av NOKUT, og som har godkjent studiestad i Vestland fylke. Det er den enkelte fylkeskommune som gjer vurderingar og tildeler midlane, med tilskot tildelt uavhengig av om eigar av skulen er offentleg eller privat. Tilskotet skal gje fagskulane eit driftsgrunnlag og ein stabil tilbodsstruktur, og skal kome studentane til gode ved å dekke driftsutgifter for fagskuleutdanning i Vestland.