Tilskot til fartøyvern

Fartøyvern handlar om å ta vare på vår flytande kulturarv. I Noreg har vi levd ved og av havet i alle tider og fartøya fortel ein viktig del av historia om levde liv og samfunnsutviklinga. Dette tilskotet er retta mot sikring, istandsetting og vedlikehald av freda og verna fartøy. Det er eit mål å auke kunnskapen om mangfald av bevarte fartøy og kva rolle dei har hatt i samfunnet, før og no. For å nå dette målet skal tilskota sørge for å sikre fartøya mot tap, sette dei i stand slik at dei kan vere i bruk. Ved fordeling av tilskot prioriterer ein prosjekt som er starta og fartøy på slipp eller dokk, fartøy som har pålegg som må gjennomførast for å oppretthalde sertifikata, fartøy som er freda, og fartøy og prosjekt med stor frivillig innsats.