Tilskot til hurtigladeinfrastruktur for elektriske køyretøy og tunge køyretøy 2025

Vestland fylkeskommune tilbyr investeringsstønad for etablering av offentleg tilgjengelege hurtigladeplassar for elektriske køyretøy og tunge køyretøy i Vestland. Ordninga skal gjere det mogleg å bygge ut hurtigladeplassar på stader der utbygging ikkje kan skje på kommersielt grunnlag aleine, samt bidra til berekraftig verdiskaping. Fylkeskommunen har sett av 3.390.000 NOK til stønadsmidlar til ladeinfrastruktur til elektriske køyretøy, og 5.000.000 NOK til tunge køyretøy for 2025. I 2025 skal prioriteringa for hurtiglading for elektriske køyretøy vere å betre dekning i distrikta, spesielt i nordlege delen av Vestland, med hovudfokus på å løyse utfordringar for drosjenæringa. For tunge køyretøy skal prioriteringa vere i områda rundt innfartsårene til byane og sentrale strekningar for å sikre berekraftig verdiskaping. Fylkeskommunen kan i hovudsak dekkje opptil 50 prosent av godkjende investeringskostnadar.