Tilskot til integreringsarbeid i regi av frivillige organisasjonar

Frivillige lag og organisasjonar kan søke om støtte til prosjekt og tiltak som fremmar integrering. Lokale innvandrarorganisasjonar kan søke om driftstilskot. Målet med tilskotsordninga er å fremje deltaking og integrering i samfunn og arbeidsliv blant personar med innvandrarbakgrunn i Noreg. Ordninga støttar aktivitetar og tiltak som fremjar integrering mellom majoritets- og minoritetsbefolkninga i kommunen, og som bidrar til å auke arbeids- og samfunnsdeltakinga blant innvandrar og deira barn. Bjørnafjorden kommune forvaltar tilskota på vegner av integrerings- og mangfaldsdirektoratet (IMDI). Målgruppa for ordningane er innvandrarar, norskfødde med innvandrarforeldre og andre i befolkninga elles.