Tilskot til realisering av grøne verdikjeder gjennom industriell symbiose (Grøn region Vestland)

Denne tilskotsordninga rettar seg mot arbeidet i dei grøne hubbane i Grøn region Vestland og skal bidre til at hubbane kjem vidare i arbeidet med industrielle symbiosar og styrking av dei grøne verdikjedene i Vestland. For at overgang til sirkulærøkonomi og potensialet for industriell symbiose skal realiserast, må hubbane gjennomføre fire strategiske vegval: etablere ein styringsmodell som sikrar god forankring av arbeidet i bedriftene, utarbeide ei oversikt over materialstraumane og kva potensial dei har for industriell symbiose, forsere dei fire største barrierane (kapital, kraft, kompetanse og areal og infrastruktur), og mobilisere heile økosystemet av aktørar med relevante verkemidlar. Tilskotsmidlane skal bidra til at hubbane kjem vidare i arbeidet med industrielle symbiosar og styrking av dei grøne verdikjedene i Vestland, med krav om at hubbane som får tildelt midlar er komne i gang med arbeidet knytt til dei strategiske vegvala.